imaṁ vivasvate yogaṁ
proktavān-aham-avyayam
vivasvān-manave prāha
manur-ikṣhvākave-bravīt (4.1)
evaṁ paramparā-prāptam-
imaṁ rājarṣhayo viduḥ
sa kāleneha mahatā
yogo naṣhṭaḥ paran-tapa (4.2)
sa evāyaṁ mayā te-dya
yogaḥ proktaḥ purātanaḥ
bhakto-si me sakhā cheti
rahasyaṁ hy-etad-uttamam (4.3)
arjuna-uvācha:
aparaṁ bhavato janma
paraṁ janma vivasvataḥ
katham-etad-vijānīyāṁ
tvam-ādau proktavān-iti (4.4)
śrī-bhagavān-uvācha:
bahūni me vyatītāni
janmāni tava chārjuna
tāny-ahaṁ veda sarvāṇi
na tvaṁ vettha paran-tapa (4.5)
ajo-pi sann-avyayātmā
bhūtānām-īśhvaro-pi san
prakṛtiṁ svām-adhiṣhtāya
sambhavāmy-ātma-māyayā (4.6)
yadā yadā hi dharmasya
glānir bhavati bhārata
abhyutthānam adharmasya
tadātmānaṁ sṛjāmy-aham (4.7)
paritrāṇāya sādhūnāṁ
vināśhāya chaduṣhkṛtām
dharma-saṁsthāpanārthāya
sambhavāmi yuge yuge (4.8)
janma karma cha me divyam-
evaṁ yo vetti tattvataḥ
tyaktvā dehaṁ punar-janma
naiti mām-eti so-rjuna (4.9)
vīta-rāga-bhaya-krodhā
man-mayā mām-upāśhritāḥ
bahavo jñāna-tapasā
pūtā mad-bhāvam-āgatāḥ (4.10)
ye yathā māṁ prapadyante
tāṁs-tathaiva bhajāmy-aham
mama vartmānuvartante
manuṣhyāḥ pārtha sarvaśhaḥ (4.11)
kāṅkṣhantaḥ karmaṇāṁ siddhiṁ
yajanta iha devatāḥ
kṣhipraṁ hi mānuṣhe loke
siddhir-bhavati karma-jā (4.12)
chātur-varṇyaṁ mayā shṛṣhṭaṁ
guṇa-karma-vibhāgaśhaḥ
tasya kartāram api-māṁ
viddhy-akartāram-avyayam (4.13)
na māṁ karmāṇi limpanti
na me karma-phale spṛhā
iti māṁ yo-bhijānāti
karmabhir-na sa badhyate (4.14)
evaṁ jñātvā kṛtaṁ karma
pūrvair-api mumukṣhubhiḥ
kuru karmaiva tasmāt-tvaṁ
pūrvaiḥ pūrva-taraṁ kṛtam (4.15)
kiṁ karma kim-akarmeti
kavayo-py-atra mohitāḥ
tat-te karma pravakṣhyāmi
yaj-jñātvā mokṣhyase-śhubhāt (4.16)
karmaṇo hy-api boddhavyaṁ
boddhavyaṁ cha vikarmaṇaḥ
akarmaṇaśh-cha boddhavyaṁ
gahanā karmaṇo gatiḥ (4.17)
karmaṇy-akarma yaḥ paśhyed-
akarmaṇi cha karma yaḥ
sa buddhimān-manuṣhyeṣhu
sa yuktaḥ kṛtsna-karma-kṛt (4.18)
yasya sarve samārambhāḥ
kāma-saṅkalpa-varjitāḥ
jñānāgni-dagdha-karmāṇaṁ
tam-āhuḥ paṇḍitaṁ budhāḥ (4.19)
tyaktvā karma-phalāsaṅgaṁ
nitya-tṛpto nirāśhrayaḥ
karmaṇy-abhipravṛtto-pi
naiva kiñchit-karoti saḥ (4.20)
nirāśhīr-yata-chittātmā
tyakta-sarva-parigrahaḥ
śhārīraṁ kevalaṁ karma
kurvan-nāpnoti kilbiṣham (4.21)
yadṛcchā-lābha-santuṣhṭo
dvandvātīto vimatsaraḥ
samaḥ siddhāv-asiddhau cha
kṛtvāpi na nibadhyate (4.22)
gata-saṅgasya muktasya
jñānāvasthita-chetasaḥ
yajñāyācarataḥ karma
samagraṁ pravilīyate (4.23)
brahmārpaṇaṁ brahma havir-
brahmāgnau brahmaṇā hutam
brahmaiva tena gantavyaṁ
brahma-karma-samādhinā (4.24)
daivam-evāpare yajñaṁ
yoginaḥ paryupāsate
brahmāgnāv-apare yajñaṁ
yajñenaivopajuhvati (4.25)
śhrotrādīnīndriyāṇy-anye
saṁyamāgniṣu juhvati
śhabdādīn-viṣhayān-anya
indriyāgniṣhu juhvati (4.26)
sarvāṇīndriya-karmāṇi
prāṇa-karmāṇi chāpare
ātma-saṁyama-yogāgnau
juhvati jñāna-dīpite (4.27)
dravya-yajñās-tapo-yajñā
yoga-yajñās-tathāpare
svādhyāya-jñāna-yajñāśh cha
yatayaḥ saṁśhita-vratāḥ (4.28)
apāne juhvati prāṇaṁ
prāṇe-pānaṁ tathāpare
prāṇāpāna-gatī ruddhvā
prāṇāyāma-parāyaṇāḥ (4.29)
apare niyatāhārāḥ
prāṇān-prāṇeṣhu juhvati
sarve-py-ete yajña-vido
yajña-kṣhapita-kalmaṣhāḥ (4.30)
prāṇān-prāṇeṣhu juhvati
sarve-py-ete yajña-vido
yajña-kṣhapita-kalmaṣhāḥ (4.30)
yajña-śhiṣhṭāmṛta-bhujo
yānti brahma sanātanam
nāyaṁ loko-sty-ayajñasya
kuto-nyaḥ kuru-sattama (4.31)
evaṁ bahu-vidhā yajñā
vitatā brahmaṇo mukhe
karma-jān-viddhi tān-sarvān-
evaṁ jñātvā vimokṣhyase (4.32)
śhreyān dravya-mayād-yajñāj
jñāna-yajñaḥ paran-tapa
sarvaṁ karmākhilaṁ pārtha
jñāne parisamāpyate (4.33)
tad-viddhi praṇipātena
paripraśhnena sevayā
upadekṣhyanti te jñānaṁ
jñāninas-tattva-darśinaḥ (4.34)
yaj-jñātvā na punar-moham-
evaṁ yāsyasi pāṇḍava
yena bhūtāny-aśheṣhāṇi
drakṣhyasy-ātmany-atho mayi (4.35)
api ched-asi pāpebhyaḥ
sarvebhyaḥ pāpa-kṛt-tamaḥ
sarvaṁ jñāna-plavenaiva
vṛjinaṁ santariṣhyasi (4.36)
yathaidhāṁsi samiddho-gnir
bhasma-sāt-kurute-rjuna
jñānāgniḥ sarva-karmāṇi
bhasma-sāt-kurute tathā (4.37)
na hi jñānena sadṛśhaṁ
pavitram-iha vidyate
tat-svayaṁ yoga-saṁsiddhaḥ
kālenātmani vindati (4.38)
śhraddhāvām-labhate jñānaṁ
tat-paraḥ saṁyatendriyaḥ
jñānaṁ labdhvā parāṁ śhāntim-
achireṇādhigacchati (4.39)
ajñaśh-chāśhradda-dhānaśh-cha
saṁśhayātmā vinaśhyati
nāyaṁ loko-sti na paro
na sukhaṁ saṁśhayātmanaḥ (4.40)
yoga-sannyasta-karmāṇaṁ
jñāna-sañchinna-saṁśhayam
ātmavantaṁ na karmāṇi
nibadhnanti dhanañ-jaya (4.41)
tasmād-ajñāna-sambhūtaṁ
hṛt-sthaṁ jñānāsinātmanaḥ
chittvainaṁ saṁśhayaṁ yogam-
ātiṣhṭottiṣhṭa bhārata (4.42)
Om Tat Sat
No comments:
Post a Comment